甚麼是古法紮肚黃金期?錯過咗可以點?－Beauty ME ME 的部落格

古法紮肚對好多女士嚟講絕對唔陌生，尤其係藝人明星界，好多產後媽媽都會選用產後紥肚服務，有成功例子就表示「10日可以減5吋」。照咁睇，難怪會吸引一眾女士去做產後紮肚，務求可以用最短時間達到最快修肚效果。不過，產後媽媽都要注意古法紮肚有黃金期，絕對唔可以操之過急，否則就可能會有反效果。

SOURCE:

https://www.hk01.com/%E8%A6%AA%E5%AD%90/188669/%E7%94%A2%E5%BE%8C%E4%BF%AE%E8%BA%AB-%E5%8F%A4%E6%B3%95%E7%B4%AE%E8%BA%AB10%E6%97%A5%E6%B8%9B5%E5%90%8B-%E4%B8%AD%E9%86%AB%E5%BB%BA%E8%AD%B0%E5%8B%BF%E5%BF%83%E6%80%A5%E9%96%8B%E5%A7%8B%E7%99%82%E7%A8%8B

產後紮肚都有黃金期?孕媽媽要注意!

產後媽媽想盡快回復產前身型正常不過，不過記得唔好操之過急，因為生完BB、正處於坐月期間嘅媽媽身體非常虛弱，容易頭痛、手腳和腰背酸痛，如果急住產後減肥就好有可以出現反效果，甚至損害身體健康，一般嚟講，產後媽媽最好將身體調養好，等新陳代謝提升、經期正常穩定之後，就可以開始產後修身，一般產後2至3個月就係理想嘅產後減肥黃金期。

一提到產後減肥，古法紮肚係一個幾好嘅選擇，由於大部份產後媽媽都會有腹脹、腹直肌分離問題，紮肚就係一個好方法，利用束腹帶由盆骨位置開始往上包紮至胸骨，以形成壓力罩，好有效咁針對收窄盆骨、收緊腰線、收窄胸骨等功效，仲可以透過古法紮肚改善子宮擴大、腹直肌分離及內臟移位等問題。只要把握好把握產後修身黃金時間，一般只要紮肚10日，就可以見到修肚效果。

正如之前提到，古法紮肚有黃金時間，順產媽媽最好喺待惡露完結，大約一個月之後先可以紮肚，而剖腹產媽媽因為個肚開過刀有傷口，咁所以最好喺傷口已復原及惡露完結，大約6至12個月先可以開始做產後紮肚。

錯過咗產後紮肚黃金期?

如果產後媽媽因為忙於照顧BB而錯過咗古法紮肚黃金時間?唔洗太擔心，因為產後1年仍然係紮肚黃金期，因為孕期間孕婦體內會分泌鬆弛素，目的係令肌肉韌帶等軟組織變鬆，令孕婦更容易分娩。而生產後9至12月，體內嘅鬆弛素仍然未消失，呢個時間紮肚就可以將因「鬆弛荷爾蒙」所致嘅產後柔軟身體組織收緊，亦都有收肚、瘦身效果。